任達華、馬詩慧（Janet) 及一對女兒王曼喜、王麗嘉和設計師文麗賢等，今日在金鐘出席好友Judy的手袋店開幕。

剛自上海回港的任達華，專程捧好友Judy場，他開心透露將到英國進修兼度假，「想咗好耐喇，今次可以去10日，讀一個歐洲人文歷史課程，因為深入了解咗歐洲不同人種的文化、背景，對我演戲和攝影都好有幫助。」他指大約每天只上半天課，可和琦琦趁機拍下拖、逛博物館及幫老婆影靚相，他說：「今次會用手機影，順便影英國春天的花，我覺得呢個時間英國嘅花係最靚。」他透露稍後會拍新片《澳門人間》，片中演整杏仁餅的製餅師，要先學整餅，任達華更趁機曬命，爆囡囡Ella為他整曲奇餅時，會特別為他的健康而減糖。

同場的王麗嘉露腰出席，全職做model的她，正儲錢希望推出自己的泳衣品牌，媽咪Janet坦言在港做model搵食難，「而家做模特兒邊搵到食啊，真係食蕉咩。唔同晒㗎喇，基本上啲女仔好多都做KOL，得閒影幾張相放上網，又有錢收，一個月做幾單夠養自己就算，邊有計劃未來啊。」Janet十分支持女兒推出自家泳衣，因為市場有需要，「佢嘅size喺亞洲人中比較特別，好難買到啱嘅泳衣或內衣，香港應該有唔少女仔有呢個問題，有market。」大女則繼續自家品牌，和布廠合作，將剩餘的衣料up cycled成晚裝。

-------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-------------------------
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef