軒仔更笑Ivana的黑帽似浴帽:「係雷達監視老公。」之後,Ivana落台,軒仔笑言:「過咗新十五,同佢開騷似初三咁,每次嗌交都嗌唔贏。」
早前,軒仔傳被內地封殺,「被退出」內地節目《歌手》,昨晚有不少內地粉絲來港撐他,當中有來自深圳的蕭小姐在臉上畫上「軒」字,她買足四場飛來睇軒仔,表示覺得他好善良,自《歌》後更一直留意網上留言,覺得對他不公平。問到會否擔心軒仔以後冇得返內地開騷?她表示:「有擔心過,相信事件會解決,相信內地唔會咁。」另一來自美國的張先生就叫軒仔做自己。在場外,開騷前已有200位粉絲排隊買紀念品,當中有Eric So為兩人設計的訂做肖像figure,亦有印上「陪你對抗種種對手」的螢光帶,為軒仔打氣。
採訪:馬建華
攝影:沈健程