現年33歲o既周杰倫（周董）對19歲o靚模女友昆凌嗒晒糖，o岩o岩先傳出佢o地去完倫敦，返o左台灣冇幾日，又有報道話佢前晚帶昆凌同媽咪包場睇戲，當周董同媽咪走後門時，被記者截住問佢係咪同女友求o左婚，佢仲笑笑口話：「要結婚的時候就會通知。」再問佢幾時派帖，佢即刻變臉話：「等你死的時候。」作為偶像出言不遜，絕對EQ低。

至於昆凌o係邊？報道話昆凌被迫滯留戲院入面，點知有記者上去搵佢時，昆凌一支箭跑入影城，身旁o既男友人仲阻記者影相，結果昆凌匿埋o左半粒鐘後再由友人掩護離開。
做乜搞到好似偷情咁o者。