【新增影片】

大家知不知道，過氣13屆冠軍騎師韋達，對上一次勝出騎師王究竟是幾時呢？原來已數到2016年11月9日，當晚他憑「驍武」、「鴻圖飛星」起孖，全晚取2冠1季1殿，以28分封王。

事隔接近兩年，來到周日(16日)沙田日馬，韋達有機會重溫久違的騎師王滋味，事關今期他有九匹座騎，數量多而且質量亦相當不俗，其中「綠勇士」、「彩福」、「快利寶」、「乘勝追擊」、「英勇大師」今季俱已出賽熱身兼陣上有走勢，肯定已磨利槍頭力求取勝，而「乘勝追擊」更在韋達胯下大勝4馬位，表現進步，今仗升班跑第七場四班草地1800米，負115磅及排1檔，惡氣未減，再下一城當然不是奇事。

此外，第十場二班1000米的「彪形猛漢」亦有動靜，今早(13日)由韋達快跳，廐主蘇偉賢一直睇到實，隨後又快步趕返機坪接馬，並且捉住韋達密斟，期間手舞足蹈，表情多多甚為肉緊。之後兩人在烽火台，同樣傾個不停，可謂有晒搏殺手影。

「彪形猛漢」過往勝出四場頭馬，其中三場就係同程直路賽。今次在首本路程出擊，賽前韋達親試大閘跑第二，只不敵惡馬「亮先生」，狀態不成疑問，看來正是韋達爭奪騎師王寶座重要籌碼之一。

韋達周日座騎：
一場：舉世無雙
二場：(無座騎)
三場：綠勇士
四場：大笑大少
五場：彩福
六場：快利寶
七場：乘勝追擊
八場：搶攻威威
九場：英勇大師
十場：彪形猛漢