瑞典U21國家隊因為喺歐洲U20錦標賽踢入4強，因此攞到出年里約熱內盧奧運會足球項目嘅入場券，估唔到因為咁而引咗一位超級球星蒲頭，話有興趣踢奧運咁話喎！

佢就係戰神伊巴謙莫域，呢位33歲前鋒話，雖然要踢奧運係有啲難度，但佢的確係有興趣。伊巴係咁講嘅：「依家係有咁嘅諗法，如果真係有機會喺奧運代表瑞典，點解唔踢？睇下到時咩情況啦，不過我係可以踢嘅！」