當年今日
關於我們

蘋果最終章|區議員陳振哲:除咗煲底見 我哋亦會再見蘋果

蘋果日報 2021/06/23 21:56


「除咗煲底見之外,我哋亦會再見蘋果。」大埔區議員陳振哲由創報起便開始看《蘋果》,其後多次受訪,成為戰友。他對《蘋果》即將停刊感傷感不捨,又指《蘋果》消失後,日後政權必會更明目張膽去打壓他人,現時為「黎明前最黑暗嘅時候」。但他篤定,《蘋果》日後必然會復刊,「除咗煲底見之外,我哋亦會再見蘋果。」
大埔區議員陳振哲自認與《蘋果》淵源甚深,他由1995年創報便開始看《蘋果》,對黎智英「一日一蘋果,冇人呃到我」的廣告印象最深刻。後來從事殯儀業,多間報章雜誌採訪他,其他報社多數只有一名記者「一腳踢」,唯獨《蘋果》最揼本,「有成隊crew,仲請咗個model嚟,我瞓棺材(示範)佢又瞓棺材。」
其後陳振哲由「機場大叔」搖身一變做區議員,與《蘋果》做過大大小小的訪問,也因而認識了不少《蘋果》記者。早前國安處再搜報館,他亦有向十多位記者傳訊息問候。
「佢咁樣郁《蘋果》法,學佢哋嘅用語,其實係搬石頭砸自己腳。」陳指,政府以「抄家」形式令《蘋果》停刊,日後或會激起更大反彈。他續指,政權打壓《蘋果》,亦是為了方便去打壓他人,「因為呢個幫人發聲、畀到壓力嘅載體已經冇咗,就更加可以明目張膽咁去做。」
對於《蘋果》即將停刊,他感到傷感不捨,認為《蘋果》的結束,或會令人心散渙,是「黎明前最黑暗嘅時候」。但同時,這亦是象徵着新時代的里程碑,「會係一個喚醒人心,步向光明嘅起步點。」
《蘋果》為香港人的同行者,一同在經歷痛苦時刻,「但套返基督教信仰,唔係死咗就完,你會有復活、永生嘅盼望,呢個盼望係實在嘅。」陳振哲非常正面,認為現況並非死局,他篤定《蘋果》在可見的未來下,必然會復刊,又謂:「除咗煲底見之外,我哋亦會再見蘋果。」
-----------------------------
蘋果App大升級 更簡潔更就手!了解更多立即下載體驗
-----------------------------
你敢爆,我敢獎! 立即Signal 63836568、WhatsApp 《蘋果》24小時爆相爆片熱線
或致電:63836568