今年樂壇新人輩出，歌手競爭甚大，英皇旗下新公司紅音樂的頭炮力捧新人、有「翻版鄭秀文」之稱的趙頌茹是其中一例，出道一個多月的她不但沒有人工落過袋，貼錢打工外，唱片公司每月更為她墊支一筆錢，所以阿Yu將來有排還債。

猶幸有積蓄
阿Yu每次出席公開活動，或為報章雜誌影相，唱片公司既要安排保母跟場，又要找髮型、化妝、服飾及租車，而阿Yu學唱歌、練跳舞、學習小提琴等，全部都要花錢，所以唱片公司估計每月都要墊支逾十萬元給阿Yu。
日前阿Yu在尖沙嘴一間排舞室，跟隨陳冠希的排舞老師Sunny學跳HipHop舞，問她是否未曾出過糧，她點頭承認說：「我自己都有啲錢嘅，阿爸阿媽都有啲（錢），屋企唔係等我開飯，冇所謂啦，好似讀書時咁，有阿媽養囉。」

不為錢工作
入行以來沒賺過錢，阿Yu會否覺得好慘？她說：「我唔係為錢而做，係覺得呢份工幾好玩，純粹想試吓，我平日冇乜點買嘢，鍾意瞓覺、睇電視同打機，所以又唔係好擔心錢嘅問題。」
此外，採訪當日是阿Yu第三堂學跳舞，但她也跳得不錯，排舞老師Sunny更讚阿Yu說：「佢跳得幾好，佢跳舞嘅感覺同領悟力都好好。」而阿Yu則說：「跳完之後好攰，我上次跳完第一堂，第二日瞓醒，條腰好痛，我𠵱家未做到腰馬合一，腳步唔夠穩。」
採訪：朱芷瑩
攝影：黃文成