3月7日39歲生日嘅「肯雅徐」徐濠縈,俾查小欣踢爆咗佢個吹神老公陳奕迅原來靜雞雞搭通天地線,帶埋花同蛋糕混入機艙,為老婆送上一個甜蜜生日。
之前阿徐只係好低調咁,喺6號(即係發生「機艙事件」當日)上載咗張小花相,呢束小花就係吹神老公偷雞帶上飛機送畀佢嗰紮,但阿徐冇講明邊個送,只係話「IgotasurpriseinTokyo!」
依家既然俾小欣姐篤爆晒(雖然遲咗兩日先篤),阿徐都冇所謂喇,曬幸福曬到盡,係咁上載日本之旅相片。頭先再放多張相,有埋吹神,同埋林海峰及幾個朋友一齊食飯。阿徐更寫道﹕「其實我來名古屋是跑步的」。其實佢此行係同林海峰拍廣告,依家老公都喺度,咁咪順便過番吓二人世界喇﹗