張慧儀早前聲稱放大假暴飲暴食後令體重激增，向來以噴血身材見稱的她，竟變得肥腫難分，其凸出的豬腩肉也令人嘩然，腰圍更暴升至三十二吋。
但慧儀自成為減肥堂代言人後，經過個多月的努力，終成功縮水，重拾惹火身段，現時她的三圍是34C、24、34.5。
唔肥唔瘦啱啱好
日前慧儀穿上三點式泳衣，在攝影師葉青霖位於天后的影樓內拍攝纖體廣告，自言減掉十六磅的慧儀顯得身形甚弗，昨日她接受本報電話訪問時說：「之前我有成一百一十八磅，𠵱家就變番一百零二磅，成個人感覺細隻咗，即刻重拾自信。早排肥嘅時候，都唔係好傷心，但自信就冇咁大囉，我覺得𠵱家嘅狀態最好，唔肥又唔過瘦，有少少肉地。」
慧儀揚言身形細了一個碼，但其上圍仍見豐滿，未有因為減肥而縮水，對此她笑說：「咁我真係有肉吖嘛，唔會細到乜都冇晒，託賴啦。」
問到她現時會否惹來狂蜂浪蝶追求？慧儀說：「冇呀，我重係單身，我唔恨，又唔抗拒嘅，順其自然啦。」
提到有報道指慧儀為了搵銀，才不惜谷肥自己吸引纖體商青睞，她聞言即解釋說：「啲報道係假設性咁諗啫，人哋要咁諗，我都控制唔到，佢哋鍾意點寫就點寫，我唔會為呢啲嘢回應。」慧儀亦透露這次拍廣告酬勞有七位數字，令她十分滿意。
洪欣否認被飛起
至於同屬減肥堂代言人的洪欣與姚瑩瑩，亦被指爭寵不和而遭飛起，洪欣昨日在電話中否認說：「我簽咗成年半合約，𠵱家至過咗幾個月，我到出年至約滿，啲傳聞係宣傳啫。減肥堂搵咗幾個代言人，間唔中轉吓宣傳啫，我重有幾輯廣告相都未出。」
採訪：朱芷瑩