當年今日
關於我們

今季第四次靠烏龍入波 巴塞死好命?

蘋果日報 2017/09/28 10:25

巴塞隆拿歐聯士砵亭烏龍波

想贏波運氣有時都好重要,巴塞隆拿今季就已經有四球係對方球員送大禮擺烏龍,睇嚟呢支西甲勁旅今季運氣都唔錯。
巴塞喺星期三作客士砵亭嘅歐聯分組賽,下半場初段憑住蘇亞雷斯頭槌攻門嘅時候對方後衛高亞迪斯擺烏龍以1:0小勝對手,係今季第四次收到對手送大禮。之前三次就西甲聯賽發生,第一次係西甲開鑼戰贏貝迪斯2:0嘅比賽出現,上場聯賽客基羅納3:0更加有兩球係對手嘅烏龍波。