【本報訊】會計師經常有機會接觸到中資公司的賬目，有會計師擔憂一旦《逃犯條例》修例獲通過，中方可基於政治動機而安插逃稅等罪名引渡，亦有會計師表明是被林鄭「煽惑」而遊行。

網絡作者「阿樹」於會計界任職，他指上街是因為修訂對其工作影響深遠，「唔係犯咗事先會有影響，當打開咗呢個缺口之後，香港成個司法制度嘅獨立性就會名存實亡」。

阿樹又指，若會計師或核數師的工作牽涉中國公司，會接觸到中國公司的財務數據，「當我係獨立核數師，如果喺核數過程有做錯嘢，會唔會有藉口話我協助中國公司財務造假？政府會唔會用呢個原因引渡我返去呢？」

影響業界與其他國家互認

「民主進步會計師」成員亦結伴遊行，成員黃健菁指修例對業界及香港帶來深遠影響，「如果外國真係視香港同內地係一體，咁香港會好大劑，如果香港會計師地位要同其他國家重新互認過，咁我哋就會好慘，可能會簽唔返」。

黃健菁指是被林鄭「煽惑」而上街，「如果唔係政府企得咁硬，又唔諮詢，唔聽市民聲音，我哋都唔會出嚟」。
■記者李雨夢