沈集成今次夜馬派出十匹馬上陣，成為出馬最多之馬房。上季沈集成是谷草第二多頭馬的騎師，僅次於冠軍練馬師蔡約翰，今季當然希望複製這成功的經驗。

今朝(11日)，沈集成所有戰馬安排分兩批出內圈踱步，佢就全程跟到實。先坐在機坪欄邊睇馬匹熱身踱步，跟住行出烽火台督操，最後在馬房門口接馬。

眾多戰馬裏面，沈集成對徒弟仔巫顯東之兩匹座騎，第六場「最驫」及第八場的「威信」較為緊張，騎者尚未落馬已經追問馬匹操練表現。沈集成今季暫時兩場頭馬都在快活谷勝出，睇落這個馬場今季特別旺佢。

而「最驫」由從化回歸第一仗一改從前的跑法，以後上方式將所有對手趕過。雖然今次需要升班作賽，但續配巫顯東有減磅之助，不無機會再殺一場。