當年今日

擺瓜子陣點綴西化家居
錢慧儀摩登紅樓迎春接福

蘋果日報 2002/02/09 00:00


大生銀行家族成員馬清揚太太馬錢慧儀(Winnie)所開設的高級家具店D?tro,一向走摩登歐洲路線。但時屆農曆新年,Winnie亦會依據中國傳統的喜氣色彩,以fusion概念粉飾家居。本報特邀Winnie示範,以喜氣洋洋的紅色配合西式家具,營造出既有新春feel又不失摩登感覺的家居典範。
根據中國傳統,不少人都愛在年廿八大掃除,順道粉飾家居,以迎接新春。本報日前特邀請大生銀行家族成員馬清揚的太太錢慧儀(Winnie),在其開設的高級家具店Dentro內,示範如何粉飾現代家居。
Winnie將中國農曆新年所喜愛的紅色為骨幹,運用fusion概念,將東西方的元素融合,營造一個既有新年氣氛,亦有型格的家居。Winnie買了一些簡單應節用品例如瓜子、糖蓮藕、糖蓮子及中國織錦布料,再配合紅色家具,粉飾出一個新潮有型、洋溢暖暖詩意的家居。

洋溢暖意
紅色往往給人一種和暖的感覺,Winnie亦十分認同,她說:「紅色係一種暖、和諧嘅顏色,加上時近農曆年,啲人覺得老套都係咁話,真係要有啲紅色先至有新年氣氛。加上配合適當嘅colortone,一室紅彤彤,反而會令間屋更加outstanding,所以fusion呢個概念好適合香港人,只作出最少嘅改動,例如用平時擺放零食嘅器皿當全盒,同埋餐枱鋪一張中國織錦當枱布,已經好有節日氣氛。」
中西合璧
而Winnie更即席將一些應節食品如瓜子,在茶几上砌出波浪圖案作點綴家具,別具心思。
此外,花的配襯亦相當重要,Winnie說:「有花有樹,人都會開心啲,可以令到成間屋有生氣,想特別啲嘅話,可以用新潮花樽插桃花,咁咪冇咁老套囉。我聽過有有人話買桃花要一買三年,唔想年年擺桃花嘅話,亦可以用銀柳加串串金,睇落去會更加新潮。」
採訪:RitaLeung、JessicaNgan
攝影:MatthewLam、WongManWai
錢慧儀專訪場地提供:Dentro