【反發牌大戰】 亞視派4千蚊籌碼幾十人一齊賭
蘋果日報 2013/05/18 06:00
猜猜我是誰:左一韓燕、左三起張家瑩、顏子菲、王家敏、陳彥蓉、林紫君、周嘉莉同筱靖。- 陳啟泰係咪問緊林紫君﹕「十幾人，四千蚊點落注？」
- 亞視執董盛品儒一被問發牌，即封嘴。
- 張家瑩穿上性感復古紅色晚裝，頗有睇頭。
- 4千蚊一齊賭，贏咗千幾蚊。點分？
- 亞洲先生黃集鋒都有去，仲有份一齊賭添。
朱慧珊、陳啟泰、林韋辰、張家瑩等今日喺沙田馬場出席「亞洲電視賽馬日2013」，亞視向男、女藝員各派$2,000賭本，穿上性感復古紅色晚裝嘅張家瑩，表示亞視每年都會俾賭本，但今年特別多喎。
今日有超過十幾廿個藝人出席，單係亞姐都有12個，一齊分$2,000賭本？真係唔知點分好。張家瑩就話: 「本身嚟嘅時候都冇預到有籌碼0架，其實以往都有嘅，不過今年特別多喎。我希望我哋有$4,000分，慢慢每人變成有$4,000咁就好喇。」 一班人用$4,000落注，贏咗千幾蚊。又係同一問題，點分？
對於高院不受理無綫提出嘅司法覆核，令政府增發免費電視牌機會大增，亞視高層盛品儒、鄺凱迎、葉家寶等全部接封口命，不作回應。但張家瑩就話明唔擔心因此多咗競爭，仲話： 「呢個社會要多啲競爭，先至會有進步0架。國內啲人點解越來越叻，就係因為國內競爭大，咁所以我覺得呢樣嘢引入香港係好嘅。」
不過一講到亞視本身係反發牌，張家瑩似唱反調，佢就補充話:「我哋做藝員嘅控制唔到0架嘛，咁公司唔希望(發牌)，咁公司有佢自己嘅理念，我哋作為藝員，我當然都會支持公司。 如果政府係會發牌，我會順應去接受呢個挑戰，我唔覺得係壞事，我唔會反對，如果有，咁咪接受囉。 」
今日有超過十幾廿個藝人出席，單係亞姐都有12個，一齊分$2,000賭本？真係唔知點分好。張家瑩就話: 「本身嚟嘅時候都冇預到有籌碼0架，其實以往都有嘅，不過今年特別多喎。我希望我哋有$4,000分，慢慢每人變成有$4,000咁就好喇。」 一班人用$4,000落注，贏咗千幾蚊。又係同一問題，點分？
對於高院不受理無綫提出嘅司法覆核，令政府增發免費電視牌機會大增，亞視高層盛品儒、鄺凱迎、葉家寶等全部接封口命，不作回應。但張家瑩就話明唔擔心因此多咗競爭，仲話： 「呢個社會要多啲競爭，先至會有進步0架。國內啲人點解越來越叻，就係因為國內競爭大，咁所以我覺得呢樣嘢引入香港係好嘅。」
不過一講到亞視本身係反發牌，張家瑩似唱反調，佢就補充話:「我哋做藝員嘅控制唔到0架嘛，咁公司唔希望(發牌)，咁公司有佢自己嘅理念，我哋作為藝員，我當然都會支持公司。 如果政府係會發牌，我會順應去接受呢個挑戰，我唔覺得係壞事，我唔會反對，如果有，咁咪接受囉。 」