日本女星石原聰美早前秘密來港，更在旺角港鐵站被捕獲，近日佢同峯田和伸上綜藝節目宣傳NTV電視台新劇《高嶺之花》，其間就談起香港之旅。

石原聰美早前趁日本黃金周前到香港及澳門旅行，當時係同由細玩到大嘅好友以及舊同學同行，佢哋幾個到港澳共逗留三日兩夜，又飲又食，佢話從智能手機紀錄得知，當時佢平均每日大約行咗3萬步，石原又公開於澳門拍下嘅照片，佢話於當地只用咗4,000日圓（約280港元）入賭場玩，又狂掃平價飾物。

石原透露好友一個負責帶隊，一個為佢按摩，好享受呢次行程咁話。石原月前來港，有人目擊佢搭纜車上山頂睇夜景，不過發現佢嘅幸運fans唔多。

精選娛聞，喺晒《娛果》
http://fb.com/appledailyent