由十多年前買入蕭若元的友聯建材,經歷過陳國強入主後的東方燃氣,輾轉到今日李澤楷主理的盈大地產3個年代,陳婆婆明言不滿李澤楷「出手低」,「兩個八毫半梗係少啦,起碼都要四五蚊先得……咁多年供股供咗兩次,換咗幾個老闆,賣咗畀陳國強,又賣咗畀李澤楷,(期間)又十合一,又幾合一,𠵱家嚟講,我蝕咗好多錢。(咁驚唔驚盈大個股價會跌番?)無辦法啦!都揸咗咁多年,輸咗咁多,𠵱家放條氣又唔順,橫掂輸咁多蝕咁多,咪繼續揸落去囉……」
另外,陳婆婆亦是電盈的小股東,「喺電話公司(即香港電訊)嗰陣買落嘅……8號仔又係死,又係好唔掂,先頭佢好好㗎嘛,無諗到佢咁唔掂……」看來,電盈管理層還須加把勁,為小股東創造價值。