日本組合AAA嘅30歲前成員伊藤千晃今年初突然宣佈奉子成婚，與前諧星惠藤憲二結為夫婦，並退出AAA組織幸福家庭，其預產期為今年初夏。

臨盆在即嘅伊藤千晃將於今年10月6日發行個人寫真集，記錄佢懷孕嘅整個過程，當中佢更會素顏入鏡，寫真集仲有三個月先發行，伊藤千晃亦視作品為自己產後復出之作。

其實伊藤千晃上個月已挺住8個月大肚拍攝雜誌寫真，佢更於本月初舉行Baby Shower，準備迎接小生命來臨。