方大同今日去商台宣傳佢喺3月底喺紅館舉行嘅「Tio靈心之子巡迴演唱會」。方大同近日聲音沙啞，醫生指佢工作忙及壓力關係引致，方大同話：「因為自己成立咗公司之後好忙，要開會又錄歌，已經八年冇真正放假。」對於擔唔擔心影響演唱會，大同話：「仲有兩個月時間，我唔係做十幾場，冇問題。」

對於劉德華因為喉嚨發炎被迫取消演唱會，方大同話有同朋友討論過事件，佢話：「十幾場確係好難嘅事。」林子祥都話以前好多歌手連開十幾廿場，中間都要打類固醇針開聲，方大同話：「確係好傷，我做3、4場就要唞唞，過往最多都係開3場。」方大話演唱會歌單已經計劃好，嘉賓亦已經安排好，佢話只能透露係靚仔嘉賓，到時會唱好多舊歌。

精選娛聞，喺晒《娛果》
http://fb.com/appledailyent