當年今日
關於我們

【偷偷讀演藝】「嘉嘉」張凱娸處女作成港劇典範 上年畢業即遇好劇本

蘋果日報 2020/03/15 00:30

嘉嘉演藝KIKI二月廿九張凱娸

武漢肺炎影響力驚人,除了全球經濟,各行各業也陷入水深火熱之中,娛樂圈當然首當其衝,冇工開絕不罕見。現年24歲的新演員張凱娸(KiKi)剛出道,卻撞正社會運動與疫情這些不利因素,去年剛於演藝戲劇藝術學士(榮譽)學位(主修表演)畢業,卻偏偏選擇向難度挑戰,成為娛樂圈的一份子。Kiki的處女劇作品,正是剛剛大結局的ViuTV劇集《二月廿九》,劇中飾演女主角Yeesa的閨蜜美少女嘉嘉,在最後亦與巴西龜戀上。Kiki能參與《二月廿九》,自覺幸運:「我喺演藝讀咗4年,上年畢業,我所有同學都做咗舞台劇界,我就好想試吓喺幕前有冇機會,其實我唔覺得自己黑仔,仲好幸運,喺咁艱難嘅時候都能夠有拍劇呢個機會,亦都好多人鍾意睇呢套劇,希望大家都鍾意我呢個角色。我主力會喺幕前發展,有時做戲時除咗好好玩,去感受唔同角色嘅生活,我最長遠嘅目標係想用生命去影響生命,有時你會睇到一個角色所做嘅嘢,佢會感動到你、影響你下一個行動,我覺得喺表演裏面搵到我自己。」
去年KiKi成為了熊黛林與Angelababy的小師妹,她笑言入行也是受到二人的影響,自覺必定要加倍努力來換取成功,她說:「無論你天資幾高都好,後天嘅努力唔可以冇。」最近趁着疫情冇工開, KiKi愛上行山抗疫,也會趁機增值自己,在機會來臨前作最好準備,她說:「因為唔知下個機會幾時嚟,起碼我多咗時間可以準備自己,例如寫歌、彈琴,好好運用而家唔可以出街嘅時間。行山抗疫都係好好嘅選擇,吸吓新鮮空氣,我都做多咗運動同增肥,希望可以練吓肌肉,個人都健康啲。」KiKi目前過着零收入的日子,幸好得到家人的支持,令她冇後顧之憂,KiKi爸爸是書法家,哥哥是飛機師,弟弟還是學生,KiKi說:「收入係好唔穩定,好慶幸我屋企唔係好急切要我養家,當然我自己都有壓力,希望可以快啲畀爸爸媽媽享樂,佢哋好好,畀時間我去追我嘅夢。」
其實為了追夢,4年前KiKi偷偷報讀演藝,她說:「當時理工大學收咗我讀設計,最後我偷偷退咗學,之後入演藝,父母開頭好唔支持,但我鍾意,我幼稚園已經有極強表演慾,佢哋都見到我好努力,仲見到有少少成績,我係用誠意打動咗佢哋。」KiKi拿着結他自彈自唱,出奇地動聽:「我好鍾意音樂,由細到大都有學鋼琴,我今年目標想考演奏級二級,因為疫情,其實考完之後都可以幫補吓,今年仲計劃考到3級嘅調香師牌。」KiKi有藝術天份,她坦言希望接拍校園青春愛情劇,並能一展她能自彈自唱的強項。
提到偶像,KiKi十分欣賞前輩劉俊謙:「佢除咗係演藝嘅大師兄之外,靚仔得嚟好有實力,同佢合作嘅話會喺佢身上學到好多嘢,佢係有樣又有邏輯,好勤力嘅人。」至於感情方面,曾經拍拖兩次的KiKi笑言自己事業心重,現時不需男朋友,但就十分欣賞懂得藝術的男生,雙方能夠溝通是最重要。
採訪:羅慧敏
攝影:陳慧安
攝錄:廖達燊、Anthony
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
empty
採訪:羅慧敏 攝影:陳慧安
empty
張凱娸(KiKi)去年剛於演藝畢業,處女作是大熱劇《二月廿九》。
empty
KiKi覺得演戲好玩,亦能感受不同角色的生活。
empty
疫情下沒有工作,Kiki希望把握時間增值自己。
empty
KiKi好有藝術天份,自彈自唱非常地動聽,正計劃考鋼琴演奏級二級,亦希望考到3級調香師牌。
empty
最初瞞着父母放棄理大讀書機會,並轉讀演藝,好彩有成績打動父母。
empty
嘉嘉是Yeesa的閨蜜之一。
empty
KiKi十分欣賞前輩劉俊謙。