林作今日到新城電台接受訪問，佢近日忙於排練三月底演出舞台劇《蓉姨做的湯丸》，佢話自己視呢個演出為成名之作，講到好大期望，仲話：「不成功便成仁，如果演技唔受認同，就會卸甲歸田，回歸正職。」以為佢重投律師行業，點不知佢話係成家立室先係正職，講到已經有對象一樣，佢話：「我已經長時間冇公開自己感情狀況。」

至於媽咪想佢成家定成名？林作話：「媽咪應該各方面都放棄咗我，唔太睇好，佢間中有問我感情狀況，我會show啲靚女相畀佢睇，吊下癮，等佢唔知係新款定舊愛。」咁有冇麥明詩呢？佢話：「我冇講任何嘢，總之show相等佢流口水。」

今日政府公佈財政預算案，林作話對自己冇咩影響，但係都希望慳啲，擔心財政狀況， 又話自己要開始獨立，唔可以淨係靠媽咪，林作話：「不過覺得媽咪可以留返畀我嘅另一半，我印象中媽咪同我啲女朋友仲friend過我，又會去旅行。」何時會有戀情公開呢？林作好抵死話：「公開唔爽，唔公開就我好爽，因為我要扮浪子。」

精選娛聞，喺晒《娛果》
http://fb.com/appledailyent