【唔靠感覺】讚老公事事以佢同囡囡行先 陳慧珊:夫復何求呢?
陳慧珊鍾家鴻婚姻五重奏
陳慧珊(Flora)早前同老公鍾家鴻(Mike)替ViuTV拍攝節目《婚姻五重奏》,電視台安排咗佢哋兩公婆同遊尼泊爾的加德滿都。Flora與Mike先到加德滿都杜巴廣場以及庫瑪麗活女神廟,與庫瑪麗活女神見面。Flora驚嘆活女神的年齡只有3到7歲,沒有生病及流過血,而且要離開家人及朋友,住進神廟供善信供奉。
其後二人走到斯瓦揚布納特佛寺(又稱猴廟),手挽手一同踏過梯級,一邊細訴二人的相識經過。Flora講述第一段婚姻結束後,就搵Mike呢位普通朋友傾心事,加上Mike對媽媽嘅關懷同尊敬,令Flora留下好印象。後來Flora與Mike成為工作伙伴,Mike更充當其經理人,更成為Flora人生的導師。後來佢哋都離婚回復單身,最後Flora與Mike亦走在一起,。
講到夫婦嘅相處之道,Flora坦言對自己嘅第一段婚姻只講求感覺。Flora認為,當大家認為自己比對方重要,而愛自己多於對方嘅話,係唔能夠維繫一段感情。相反,大家需要尊重對方,真正聆聽對方,呢種先係真正嘅相處之道。因為無論自己嘅意見,仰或係對方嘅意見都同樣重要,而大家亦要同時彼此尊重才能取得平衡。阿Mike亦認為自己對Flora嘅說話同脾性瞭如指掌。Mike笑言:「當Flora動肝火嘅時候,喺佢嘅言語間就知道佢動咗氣。」而Mike就會好醒目咁不動聲色,等Flora主動回應。Flora 聽到就笑住話:「呢啲就係我哋嘅默契。」
Flora仲喺節目中入面話,年輕時揀另一半,會以感覺同外表行先,然後先至睇對方嘅智慧。人越大,Flora就以智慧行先。談到Mike係點樣吸引Flora,Flora坦言自己最欣賞丈夫嘅智慧,做事有分寸,識得喺適當嘅時間,用合適嘅身份講合適嘅話。Flora表示,因為她知道老公做每一個決定,都係以大局為重,亦以自己同囡囡作首要考慮,所以有時候就算不同意老公嘅做法,亦義無反顧咁跟隨老公嘅意願去做,因為到最後,佢會知道老公嘅用意,亦會贊同佢嘅做法。Flora仲話,一個女人,能夠搵到一個事事以自己為首要考慮嘅男人,就好似搵到真正嘅幸福,咁仲夫復何求呢?
精選娛聞,喺晒《娛果》
http://fb.com/appledailyent
陳慧珊之前同老公鍾家鴻到尼泊爾拍攝ViuTV節目《婚姻五重奏》。