電影《韓索羅：星球大戰外傳》（Solo：A Star Wars Story）明天在港率先上映，飾演年輕版「韓索羅」嘅愛頓艾維列治（Alden Ehrenreich），日前與同片拍檔艾美莉克拉克（Emilia Clarke）、Donald Glover及導演朗候活（Ron Howard）接受《蘋果》專訪。

愛頓艾維列近年成功上位，連元祖「韓索羅」夏里遜福（Harrison Ford）都畀面力撐，愛頓表示：「他是我的偶像，我們見面都是談及他的演藝經驗和人生觀。」愛頓坦言接福伯棒飾演韓索羅並非一件易事，同時間亦希望建立自己獨特風格。愛頓表示：「他對我說已看過這部電影兩次了，很滿意，對我來說很重要，也令我很感動，對我來說是很大的推動力。」福伯拍完《星戰》後愛上揸飛機，問到在片中也有不少駕駛場面，愛頓都話好可能會去學駕駛飛機，因為佢拍畢呢部電影後享往在空中嘅自由感覺，也明白一些操作儀器嘅方法。

愛頓人氣急升，問佢有冇時間拍拖？佢就講笑話：「我現在跟侏兒（Chewbacca）拍拖！不過我肯定會花時間給我所愛的人，例如家人和朋友。」愛頓在片中有一場與侏兒對打場面，佢稱足足拍咗三星期，並弄至全身泥，淋浴後結果搞塞屋企浴室。愛頓又表示係獲名導史提芬史匹堡（Steven Spielberg）發掘入行，當時愛頓只得14歲。

精選娛聞，喺晒《娛果》
http://fb.com/appledailyent