【午市急CALL:重溫】古天后睇反彈目標見24,300點 「依家唔好做淡」
唐牛古天后午市急CALL
武肺疫情「全球大流行」,各國央行輪流出招減息、買債,憧憬中國幾萬億元救市、減存息釋放資金,以及美國參議院夠票通過2萬億美元刺激方案,港股究竟今輪「報復式反彈」可以持續幾耐?抑或低處未見低,恒指仲要下試20,000點?證監會持牌人古天后認為今輪反彈浪未結束,現時只是正常整固,續睇反彈目標見24,300點,提醒「依家唔好做淡」。
蘋果專欄作家唐牛指出,投資者可同時參考VIX恐慌指數走勢,「之前股市大插(VIX)會上到逾80水平,儘管近期市況波幅大,但係恐慌情緒已大為降溫」,是市況企穩的一個強烈指標,謂炒友目前唯有摸着石頭過河,最落觀預期是恒指上試24,200點水平,繼續橫行炒波幅,屆時大股或炒完,可轉炒「價殘股」。
講到「價殘股」,古天后溫提勿只留意「價殘」,以今日早市為例,指數無起跌主要被多隻銀行股拖累,如滙控(005)、建行(939)、工行(1398),「滙控啲價殘得好緊要,就算殘都唔好諗,搵返啲強勢板塊炒」。對於有觀眾提到希望43元低吸滙控作中線收息部署,唐牛表示「(股價)實有機會跌落去,但可以彈得幾高呢?」,指市面收息產品不少,不一定要買滙控,稱滙控股息率達8厘屬吸引水平全因股價跌,並非增加派息,「蟹貨係一件事,佢有乜本事令本業做好,推升股價係一個疑問」。
至於近期受熱捧的「ATM」股份,古天后續指阿里巴巴(9988)受軟銀減持資產拖累,「而家個價都唔會頂高畀佢高沽嘛?」,料阿里巴巴在今次反彈浪中表現或較騰訊(700)或美團(3690)遜色,但現價收集作長線部署無大問題。
唐牛透露,考慮到軟銀有機會沽售阿里巴巴股權,亦轉陣沽阿里買美團,「變咗而家揸住T同M,值博率會較高,之後會吼低位再撈阿里巴巴」。他解釋,市場現炒武漢解封概念,憧憬內地可回復從前,「美團最緊要呢啲,因為做好多外賣生意、好多酒店,解封對美團有一定幫助,98蚊買唔算太差,今次反彈目標都係睇呢啲位」。
有觀眾問到現價是否可追入騰訊,古天后笑指「已經買遲N咁多步」,除非突破388元阻力位,才能上望400元,不宜現價買入。唐牛則補充,騰訊彈力強,,1考慮候低吸納,可待股價回調至360元再作部署。
本周嘉賓推介平安好醫生(1833),首站目標價為75元,以及錦欣生殖(1951) ,目標價9.1元,截至下午2時15分,平安好醫生一度上試70元大關,暫時報68.85元,升4%,錦欣生殖則報8.23元,升1.6%。
【午市急CALL】港股見2萬點抑或報復式反彈? 古天后、唐牛教你點部署!
日期:3月26日(周四)
時間:12:45PM – 13:15PM
主持:Willa
嘉賓:證監會持牌人古天后
嘉賓:蘋果專欄作家唐牛
證監會持牌人古天后在《午市急CALL》節目上表示,今輪反彈浪未結束,目前只是正常整固,續睇反彈目標見24,300點。
本周嘉賓推介平安好醫生(1833),首站目標價為75元,以及錦欣生殖(1951) ,目標價9.1元。