日本歌手工藤靜香出道30周年，今年再度活躍歌壇，佢剛推出全新個人專輯《凜》，碟中收錄9首全新歌曲及37首經典MV作品，除咗靜香原用「愛繪理」之名包辦填詞之外，今次仲請來殿堂級音樂人包括玉置浩二、岸谷香（奧居香）。

連日嚟靜香都忙於宣傳新碟，可惜《凜》銷量麻麻，首周銷量只得2,950張，只排Oricon大碟銷量磅第21位，成績麻麻，不過近年數碼化，包括香港各地都可以喺串流平台聽到新碟，難免直接影響銷量。