【落機就錄《娛百》】重現台詞吳謹言突「爆肚」 許凱反應唔切呆咗

蘋果日報 2018/10/31 19:00

娛樂百分百小豬羅志祥吳謹言許凱傅恆魏瓔絡延禧攻略愷樂
  • empty
    吳謹言（左二）及許凱（右二）上《娛百》錄影。（台灣《蘋果日報》）
  • empty
    小豬同吳謹言握手（台灣《蘋果日報》）
  • empty
    （台灣《蘋果日報》）
  • empty
    許凱同吳謹言重現劇中經典對白，點知吳謹言並冇好似劇中咁感動到喊，反而深情回望住許凱話：「好希望曾經能聽到你說這句話。」突然「爆肚」，許凱一時反應唔切。（台灣《蘋果日報》）
  • empty
    佢哋兩個台灣之行真係勁好笑容（台灣《蘋果日報》）
  • empty
    憑《延禧攻略》中「傅恆」及「魏瓔絡」走紅嘅許凱同吳謹言今日抵台，一落機就去咗八大電視台錄影節目《娛樂百分百》，主持人羅志祥（小豬）同愷樂安排許凱同吳謹言重現劇中經典對白「這輩子我守著你已經守夠了，下輩子換你來守我好不好？」
    點知吳謹言並冇好似劇中咁感動到喊，反而深情回望住許凱話：「好希望曾經能聽到你說這句話。」突然被「爆肚」，許凱一時反應唔切，反問：「有這句詞嗎？我怎麼不知道。」
    喺側邊一路睇住嘅愷樂就話雖然由古裝變時裝，但聽到句對白都仲係好感動，另現場有fans着埋清裝嚟支持，許凱指住其中一位戴皇后面具嘅fans話：「我以為我姊來了！」吳謹言則好奇反問：「看得到我們嗎？」佢仲對fans嘅熱情十分感動。
    另外，小豬話當初《延禧》熱播時，身邊啲工作人員幾乎都係用手機煲劇，就連佢後來拍嘅「提桶」視頻都有高hit rate，小豬對吳謹言同許凱話：「真不知道會這麼紅，紅到比我任何一支MV還紅，以後我要多錄！」o氹到許凱大笑。而許凱又話自己「從小」就睇《娛樂百分百》，係忠實觀眾。
    精選娛聞，喺晒《娛果》
    http://fb.com/appledailyent