【中超】戴偉浚續任正選 告魯夫首領佳兆業吞恆大兩蛋
蘋果日報 2020/09/09 20:29
中超戴偉浚深圳佳兆業廣州恆大祖迪告魯夫
廣州恆大鄭智(右)與深圳佳兆業外援鬥法，鏡頭較遠處是深圳中場戴偉浚(左)。新華社
中超大連賽區今日上演「廣東打吡」，廣州恆大以2:0擊敗有港產英籍球員戴偉浚效力的深圳佳兆業，續於大連賽區領放。
佳兆業賽前排第五，落後上海申花一分，仍有機會爭取前四晉身「爭標組」。早前佳兆業辭退主教練鄧納東尼後，聘用祖迪告魯夫，這位荷蘭名將之後終於完成隔離，今仗首度領軍，戴偉浚繼續正選上陣，與恆大隊長鄭智正面交鋒。
佳兆業近四場不敗，但面對衞冕的恆大，一直處於下風。恆大先後有楊立瑜和泰利斯卡的射門被佳兆業門將國威救出，但佳兆業到28分鐘終於要失守，被恆大前鋒楊立瑜左路傳中，保連奴門前輕鬆撞入，恆大半場領先1:0
易邊後戴偉浚在49分鐘有起腳機會，但射門被對方守衞閂出。戰至53分鐘，恆大再取得入球，泰利斯卡故意漏過保連奴的傳球，翼鋒費蘭甸奴接應後高速殺入禁區大腳抽入，恆大領先2:0。其後恆大派遺入籍兵洛國富上陣，是他首度為恆大披甲。兩隊再無入球，恆大以2:0勝出，祖迪告魯夫首場領軍，佳兆業即四場不敗斷纜。
-----------------------------
《蘋果》英文版免費試睇：了解更多