玖源(舊股8399,新股8042)幾壇大動作,非常爆炸,玖源肥過肥仔水。玖源前年進行合成氨技術重建計劃,估計技術重建可以降低成本1200萬銀(人仔.下同)。呢筆數,已經係集團06年度純利嘅41%。廠房經過上年磨合期,成本減省應該可以全面反映。當一切不變,單係成本減省,玖源08年度純利來回已經可以上到4000萬銀,PE跌到9倍幾。又玖源新建年產30萬噸青島複合肥廠,上年下旬正式啓動,呢期農產品價格起飛,加強農民耕作積極性,玖源食正大趨勢,連增產收益提升,玖源PE進一步跌到7倍幾。化肥股當中,玖源平到爆。
再講,玖源呢期計劃收購四川磷礦,蘊藏量高達1億噸,協議收購價3億銀,除番每噸都係2.6元,家陣每噸磷礦石市價,係講緊100蚊。收購順風順水,玖源肥仔水。以玖源08年度12倍PE做目標,價見0.245元,現價(0.149元)潛在回報率64%。