松岡李那今日喺尖沙嘴支持王友良新歌記者會，不過佢姍姍來遲，記者會完咗先到，佢嚟到時個樣都好尷尬，松岡話見到Celine好cute，自己都好想有BB，仲話想生夠7個，有男有女，男仔學捧球，足球，女仔學芭蕾舞等，每年生一個，生夠7個。

問佢怕唔怕肥?松岡話會做運動，自己將來亦想老公鍾意自己一世，多過啲小朋友，所以一定會keep得好靚。松岡話將來結婚想喺日本，再去其他國家，問佢有冇同林德信傾過?佢笑笑口話:「唔知呀，noplanning。」