當年今日
關於我們

【李八方online】《蘋果》健身房大翻新 仲有大隻男陪你熱身

蘋果日報 2018/12/14 18:17

李八方ONLINE

香港人咁忙,又要返工又想做運動好難啫!不過堆填區嘅同事就有福喇,事關壹傳媒健身室翻新咗兩個月之後,終於開放番畀同事用喇,成間健身室有種煥然一新嘅感覺,空間又大咗,又加咗引體上升嘅設備,換咗一批全新嘅啞鈴,全部健身器材都翻新過,加埋換晒射燈,成個感覺即時modern晒!
堆填區同事嘅福利唔止咁少,今日健身室「重見天日」,公司仲特登請咗個靚仔健身教練Ernest嚟同同事交流吓,教吓大家點樣正確咁用啲健身器材,同埋分享健身心得。對於成日要出去採訪或者坐office嘅同事,Ernest就建議大家做多啲伸展同埋強化背部嘅動作,「會改善一下寒背嘅問題,同埋放鬆背部肌肉」。健身室裝修靚晒,咁壹傳媒同事就返工前或者放工後都可以做個運動啦。
empty
馬泉崇攝
empty
馬泉崇攝