夏日炎炎，最好嘅假日活動梗係同三五知己出去享受陽光同海灘喇。而去海灘之前，女士們第一樣要做嘅梗係減肥喇。想好似韓國女星咁擁有一個完美身型，咁就要讀下佢哋嘅減肥秘笈喇。當中《想念你》女星尹恩惠嘅「泡菜減肥法」最為成功，將原本珠圓肉潤嘅佢變成而家嘅窈窕索女，而女神全智賢就提倡運動keepfit，減肥方法各有各精彩。

尹恩惠　泡菜極速減肥
成效：５粒星
尹恩惠初道時身型頗為圓潤，高峰期時重達58公斤，仲被稱為「少女壯士」。之後佢就自創「泡菜減肥法」，一日食足三餐，但每餐只食半碗白飯，泡菜、蔬菜就可以任食，如果唔夠飽就配水煮雞胸肉、魚湯等。另外，喺瞓覺前4、5個鐘就完全唔食Ｏ野，最後成功甩走9公斤，同時又可以吸收足夠營養，極為健康。

全智賢運動最健康
成效：４粒星
女神全智賢曾經有一期離奇暴脹，影相時更驚現雙下巴。之後全智賢用做運動嚟瘦身，每日堅持晨跑之外，仲配合一組有效嘅肌肉鍛鍊：將一隻腳抬到胸部位置，向前猛力踢出，重覆動作50次。全智賢話呢個運動可以有效咁減掉腹部贅肉，如果動作夠快，仲可以減大腿同臀部嘅多餘贅肉。

朴信惠水上運動人
成效：３粒星
朴信惠由出道時有少少babyfat，但近年佢明顯變得窈窕，雖未屬骨感型，但達到均勻健康嘅體態。佢日前就大爆自己維持身材嘅秘訣係做運動，因為從小熱鍾意水上活動，空閒時間會積極參與唔同水上活動，令身型變得更有線條，俾人一種健康體態嘅感覺。

李孝利生菜清腸胃
成效：２粒星
性感歌后李孝利sell形象健康，喺瘦身方面亦選取「生菜减肥法」。佢會喺第一個星期嘅早餐或晚餐只吃生菜，當身體慢慢適應後，第二周開始就用生菜充當早餐同晚餐，喺第三、四周時，就配食少量豆類或薯仔嚟平均營養。因生菜含有大量纖維，可以增加飽滿足感同時清除體內廢物。李孝利因為咁喺一個月內輕易減去5公斤。