陳友疫情下被迫學做家務 蔣麗萍預演退休生活
陳友蔣麗萍
陳友、蔣麗萍、蘇姍及魏秋樺等,今日到葵涌出席影音使團創世電視製作的除夕節目,並為節目錄製主題曲《一起走一起求》。陳友表示,今年需要檢討自己過去一年的不足,他說:「所有工冇得開,想做嘅嘢全部都做唔到,全部唔係自己所願,今年嘅計劃全部冇晒。老婆喺美國成年冇返過嚟,屋企嘅賓仔(外籍工人)走咗亦都冇返嚟,自己惟有學做家務。一向唔識用洗衣機,而家先知道要落洗衣球。而家學習冇錢同冇工人嘅生活係點,學識掃樹葉,之前唔知道要用長掃帚先至掃到樹葉,發現之前好刻薄工人。」
身為基督徒的蔣麗萍表示,會為困難的一年祈禱,她說:「整年全世界都好難過,自己學識諗人生真正意義。有信仰嘅人會諗,神係唔係通過今次教我哋,細菌咁細我哋都唔能夠打敗。」蔣麗萍指通過思考亦是一種祝福,趁機會思考活着意義,她說:「老公最近唔使返工,成日喺屋企,算係我哋預演退休生活,同小朋友相處多咗,算係一個祝福。」
陳友、蔣麗萍、蘇姍及魏秋樺等,今日去到葵涌出席影音使團創世電視製作的除夕節目。
陳友笑言被迫自己處理家務,意外發現以前有點刻薄工人。
-----------------------------
-----------------------------