47歲嘅伊能靜喺今年6月高齡誕下囡囡「米粒」，雖然佢前夫哈林又即將做爸爸，不過伊能靜一於懶理，繼續喺微博分享佢啲湊女經歷，又同媽咪級嘅網友交流。

伊能靜噚晚喺微博貼咗張湊女相，不過喺左前額部份出現禿頭嘅情況，但係伊能靜大方咁去講呢件事：「頭禿了一塊，米粒開始長頭髮。不知道為什麼，感覺自己縮了，米粒開始長高了。自己肉乎乎的很嫌棄，但肉乎乎的米粒，大家都說養得真好啊！米粒開始記得爸爸媽媽，自己的記性越來越差。」

佢仲話自己做咗媽咪之後，先知道自己可以奉獻無私嘅愛，睡眠不足、甩頭髮都唔係問題，佢仲好搞笑話：「去看醫生，醫生很可愛說，伊小姐放心，我們一定會保護名人的隱私。但是禿頭是會被看出來的啊！所以醫師，我脫髮真的不是你說的，放心吧！哈哈。」