韓國賣座電影《陽光姊妹淘》曾被香港老翻成劇集《女人俱樂部》，日本最近就真金白銀購下版權翻拍，安排明年搬上日本大銀幕。

日版《陽光姊妹淘》將以原名《SUNNY》上映，由日劇天后篠原涼子飾演女主角阿部奈美，片商本來起用著名女星真木洋子扮患上絕症嘅重要角色芹香，不過真木洋子忽被辭演，片商隨即找來42歲女星板谷由夏執二攤頂上，跟友坂理惠、小池榮子、渡邊直美攜手合作。

雖然日版《姊妹淘》鬧出不少是非，不過易角後片商亦氣氛融洽。日前渡邊直美首度公開電影之拍攝花絮，又同篠原涼子、小池榮子及板谷由夏扮鬼臉合照，而友坂理惠都喺社交網公開齊腳合照，五位女星齊以片中造型大合照。目前，友坂理惠經歷第二段婚姻失敗後專心工作，雖然人氣已今非昔比，但佢未有放棄自己，近日就公開到健身房進行TRX嘅懸吊式阻力訓練，友坂形容做TRX有如置身地獄，自言屁股已經到瀕死狀態，更指導師十分變態。

友坂多年來深受體重過輕問題困擾，身高1.68米嘅佢體重竟只有83磅，仲傳出患有厭食症傳聞。有見嚴重性，友坂做TRX望鍛鍊體力，希望盡快令自己長肉。友坂寫blog表示：「對於身材過瘦的我來說，一直有過難以擺脫的煩惱，就是希望能把我這個纖瘦的身材，變得柔軟而有女人味一點。」友坂表示，訓練前半段先接受專業整體師嘅指壓推拿，後半段30分鐘再進行懸吊式阻力訓練，佢笑言過程有如落地獄般痛苦，因為要鍛鍊肌力、平衡感、柔軟度以及全身穩定性，不過訓練一個月之後，佢已有感受到明顯效果：「雖然每次都很不想去上課，但每次訓練完，全身都會發熱，我應該要慢慢適應，讓身體習慣這樣的模式，才會越來越健康。」

更多娛聞，喺晒《娛果》
http://fb.com/appledailyent