響東瀛本土及歐洲大行其道，亦曾經以Nismo特別版引入香港嘅日產March（當年售價近16萬），自於去年東京車展上展出概念新車後，廠方終決定響嚟緊嘅2月中旬，推出全新第2代March車系，造型嬌俏可人嘅新車，除有點福士Beetle嘅影子外，車身顏色重有多達12個選擇，比起本田Jazz嘅7個車身顏色為多，至於引擎配搭，則分別有1.0公升、1.3公升及1.4公升選擇，以迎合不同市場嘅口味。另外，廠方更會響年底前，替March追加恒式四驅型號㖭！若然車價吸引的話，新款March絕對可抗衡豐田Echo及本田Jazz，唔知香港代理方面，又會否考慮將之引入呢？