當年今日
關於我們

【短片】【最正嘅強迫症?】謝安琪愛包利是:見枱面紅色擺得靚就開心

蘋果日報 2016/02/09 06:00

蘋果農曆新年謝安琪張繼聰新年利是Kay張瞻即時強迫症

已為人妻兼人母嘅謝安琪(Kay),每逢農曆新年必定忙個不停,由於工作忙碌,團年飯要預早至少一個月約:「我同張繼聰都忙,有時好內疚,要老人家就我哋。」佢又話:「我係好傳統嘅女人,年廿八洗邋遢、換新衫嗰啲我一定做到足。以前仲會整糕,阿公(蘇永康)年年都等我啲糕,不過o依家唔整咁多,唔想浪費。」

Kay最愛嘅新年活動係包利是,佢笑指自己係強迫症患者:「我見到枱面全部紅色擺得好靚咁就開心,然後一定要摺得好整齊先可以入利是。」兒子張瞻亦會幫忙包利是,同樣會摺得整整齊齊,仲比Kay細心:「佢會數埋銀紙啲號碼,佢發現原來啲靚號碼會俾人抽起,初時我仲驚佢入錯,一陣畀咗吉封人就弊啦。」