當年今日
關於我們

【母女檔合作】仙氣囡囡準備考大學 龔慈恩:好享受呢刻

蘋果日報 2018/03/01 19:07

林愷鈴龔慈恩母女檔廣告

龔慈恩最近就同仙氣女神合作拍軟膏廣告,呢位仙氣女神就係佢個17歲囡囡林愷鈴。
今次嘅廣告主題就係「媽」住去旅行,內容就有啲似韓國嘅綜藝節目Running Man咁,要佢哋兩母女係特定時間內完成任務。今次嘅考驗就係要佢哋以最短時間執拾行李,拍攝時見佢哋兩母女都有啲緊張,因為佢哋唔知道會有咩大懲罰,龔慈恩就話自己出門去旅行比較輕便,反而囡囡就會帶好多服飾同化妝品,永遠一個喼唔夠用,幸好最後佢哋完都係時間內完成任務,唔使受罰。但原來拍攝當日都發生咗小插曲,就係可能行李過重,龔慈恩差啲將行李壓倒腳趾,好在現場工作人員立即幫忙扶住,最後龔慈恩都只是輕輕擦傷。
龔慈恩話對上一次同阿女合作,已經係兩年前嘅事,平時囡囡學業忙碌,每日也要補習至晚上,今年還要考大學,所以當大家有時間聚在一起,笑言同阿女都好享受呢個時刻,而呢次又能一起拍攝廣告,拍攝現場笑聲不斷,真正寓工作於娛樂。

精選娛聞,喺晒《娛果》
http://fb.com/appledailyent
empty
龔慈恩早前同囡囡一齊拍攝廣告,笑言可以寓工作於娛樂。