唔少亞視出身嘅藝人，對於舊公司噚日率全台員工於政總嘅呢騷都非常反感；曾經效力亞視嘅沙姐林建明，今日出席港台活動時都極為感慨：「我同亞視有深厚感情，當年做《今日睇真D》好開心，可惜係發生事先冇得繼續做。」

沙姐話偶爾都會睇亞視，但就唔明點解乜嘢時段去睇，都係播緊《感動香港》，沙姐又話睇噚日睇完新聞情況，見到亞洲先生、小姐好似做小丑咁，好可悲。佢好勞氣咁話：「唔可以再畀亞視執政人對員工咁無良，政府要做嘢。大家要反抗，唔好畀人玩弄於手中。」沙姐又話支持增加多個免費電視頻道，話咁樣對行業、觀眾都係好事。