由孔劉、李棟旭、金高恩同劉仁娜主演、Now TV跟播嘅人氣韓劇《鬼怪》已將近尾聲，仲有三集就播晒，嚟緊周六就會迎嚟大結局，劇迷都好緊張到底劇情進展如何。

劇中最受劇迷嘅一對couple就非兩位男角孔劉同李棟旭，兩人喺劇中表現得好HeHe，成為劇迷最喜歡嘅一對。當中李棟旭飾演嘅地獄使者都擁有唔少粉絲，佢喺呢幾集都好慘情，集集都喊，特別喺第13集講到劉仁娜同佢講分手時，佢就喊到豬頭咁，不過唔好睇少呢位外表咁冷傲嘅地獄使者，其實佢有另外一面係大家估唔到咁可愛。

原來李棟旭喺拍攝因為成日劇本不離手，有時日對夜對本劇本都好鬼悶，所以李棟旭就搞搞新意思，鍾意喺劇本上畫上公仔，仲會將劇本人物變身做可發嘅公仔，好似將鬼怪同地獄使者去買蔥個一幕就畫咗可愛公仔版，真係好得意。當初大家都以為係李棟旭親自畫，不過李棟旭自己就喺Instagram上為呢啲畫作解畫，自爆其實全部都係佢造型師畫。