【相愛11年】楊千嬅撇甩Torres同老公燭光晚餐 明年生仔等天意
丁子高拉斯維加斯楊千嬅torres
現年44歲嘅楊千嬅同丁子高07年5月29日開始拍拖,09年喺美國拉斯維加斯秘密註冊結婚,至今已經9年時間,寶貝仔Torres下周二都6歲仔喇!噚晚千嬅同老公為慶祝相戀11周年,特意將全部工作放下,仲撇甩埋囝囝,兩口子去咗食燭光晚餐浪漫一下。
丁子高喺ig上載咗一張蛋糕相,蛋糕上除咗有一個朱古力鋼琴,仲有一堆用朱古力寫上嘅字「11th DATING ANNIVERSARY!Love you Always!」雖然丁子高就只簡單留言:「11周年!」但已經令唔少網民覺得此舉好浪漫,紛紛留言祝賀兩人繼續甜甜蜜蜜,要幸福下去,同埋繼續有好多個11年。
事實上,千嬅同丁子高雖然已經結婚9年,但感情依然甜蜜,千嬅仲計劃明年為老公多生一個小孩,好等Torres有個伴。不過,千嬅亦曾經講過,可唔可以再生要等上天安排,唔會強求,最主要係佢今年會keep住忙,啱啱答應咗無線拍劇,又要撐老公自組經理人公司,工作排得密麻麻,所以今年生仔計劃肯定要閣置。
選娛聞,喺晒《娛果》
http://fb.com/appledailyent