年屆70歲嘅日本動畫歌天王水木一郎入行50年，今次佢來港係為本周在港上映嘅新片《鐵甲萬能俠：決戰魔神》配合宣傳，此行佢接受《蘋果》專訪，問到有何養生心得？水木一郎表示：「我最愛打機又多睡覺，有空更會行山。」佢自言一直唱動畫歌及英雄片主題曲，雖然以前嘅歌迷已經長大，但數十年來自己不斷有年幼嘅新fans，佢相信直心境都是因為咁而受到影響，水木補充：「其實不只是我，其他唱動畫歌的歌手也特別年青，希望有人能夠以醫學角度研究一下。」水木一郎喺1月剛度過70歲生日，佢揚言要做日本最年老嘅現役歌手，目前最高紀錄係80歲，佢有信心可以達成呢個目標。

水木已第五次訪港，佢此行有出席《鐵甲萬能俠：決戰魔神》嘅香港首映，談到為呢套全新電影版灌錄新版主題曲，水木就話如果從沒唱到《鐵甲萬能俠》主題曲，自己可能早已引退歌壇。水木入行逾50年，數到屬於佢嘅歌曲大大話話逾千首，水木計算過自己歌曲大概多達1,300首，單是唱出《鐵甲萬能俠》嘅歌曲已超過30首作品。

精選娛聞，喺晒《娛果》
http://fb.com/appledailyent