ViuTV今年再次打造發掘香港男新星真人騷《全民造星II》，今日在奧海城由第一代造星組成的《MIRROR》帶領下介紹其中30位學員登場，一同載歌載舞，《MIRROR》又公開對新一屆學員睇法，各自分享心目中心水參賽者。Ian（陳卓賢）向大家推介2號王顯聰、43號李展程、54號黃穎隆、97號劉瑞祈，讚四人高大有型靚仔，精於舞藝。Anson Lo則看好64號洪助昇、74號歐鎮灝、48號蘇東生。阿Ger則喜歡95號陳樂，是眾參賽者中最年輕及最高，190cm。

今日30位學員分成高大威猛組、型格舞者組、實力唱作三組示人，其中69號阮頌揚和64號洪助昇均有幕前經驗佔優，阮頌揚說:「上台唔算太緊張，但平時同我現時挑戰比賽係兩回事，呢兩個月令我進步好多。」洪助昇則說:「最初會緊張，未試過喺螢幕前唱歌，畀人感覺好幼嫩，參賽以來幫助到我投入情感表演。」

14號吳啟洋為大熱人選，他抱有自信，自稱各樣平均，帶着師兄姜濤光環，他說:「跳舞係我專長，其他都唔輸蝕，綜合實力平均。」劉美君疑因撐警換上陳潔靈做導師，95號陳樂在首輪錄影表演時，曾與劉美君碰面，但當時不知對方是導師，二人沒有交流，並說:「我心目中導師係Miss Chan Chan。」

節目監製花姐透露學員已篩選至40強，花姐對99位參賽者中，最初沒有放在眼內，因眼中只得《MIRROR》，她笑說:「 去到節目一半時，女人好易心軟變心，原來啲男仔都好容易令人感動，好多參賽者真係好似我個仔一樣，走咗都感動到我喊。」問到今輯冠軍是否仍有100萬獎金？花姐說:「冇呀，我特登叫公司唔好畀$100萬，我覺得畀錢太市儈，用100萬買夢想，如果佢真係為$100萬嚟參加比賽，咁我會掟佢走！」花姐表示獎品暫時會保持神秘，但不排除是開騷圓夢。

採訪：卓寶花
攝影：仇志德

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港