【00:54】新增動新聞
反送中運動以來，各區連儂牆都成為藍絲針對目標。其中在馬鞍山，今晨約7時，大批不知名人士到馬鞍山新港城外清拆連儂橋，橋上所有文宣海報全被撕毀。得悉連儂橋被拆後的馬鞍山居民大感不滿，紛紛響應網民號召，晚上8時起到新港城參與「和你唱」行動，齊心協助修補連儂牆。

記者 趙媛媛

晚上8時許，約廿名市民在新港城中庭聚集，高呼「1月1，元旦見」等口號，其後，一行人走到商場外天橋貼上新文宣，宣傳民陣舉辦的元旦大遊行，又有民眾帶同紙鶴及「紙連豬」到場黏貼。在修補連儂牆期間，數輛警車停泊在橋下戒備，在場人士亦不時四周張望，留意着警員位置。

街坊黎小姐今晚有到場參與修補連儂橋，直言「你越撕我就越會貼」，她為連儂橋被破壞一事感到憤怒，表示「以前條橋好靚㗎」，又怒斥「撕紙義工」行為無理，「每個人都有表達自己意見嘅機會，點解你哋要咁樣撕晒我哋啲嘢」。黎小姐續指本感到香港人對運動已漸趨冷淡，但見「馬友」仍堅持不懈感到高興，「如果你真係唔再理，政府就會踩埋嚟，所以有呢啲活動又安全嘅話我都會想出一分力」。她又認為香港人很善忘，連儂牆可提醒眾人過去半年來發生過的、數不清的各種事情，讓大家要堅持到底，誓不放棄。

同為街坊的陳小姐今晚亦特意走到橋上貼上新文宣，她表示以往感到無力時，連儂橋曾會為她帶來一絲慰藉，「每當有手足犧牲嘅時候，我哋無嘢做到，但嚟到點支蠟燭都有少少安慰」。對於連儂橋被撕毀一事，陳小姐坦言已不會再生氣，「無所謂，佢唔鍾意咪撕囉，我鍾意咪再貼」。修補連儂橋期間，有警車不時在附近巡邏、停泊戒備，陳小姐直指擔心人身安全，但她相信「人越多就越安全」，所以便到場支援，強調「馬友」十分團結，居民今晚一呼百應、齊心到場修補連儂橋。

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568