周末賽事各駒配搭及排位已於今早公佈，排咗位第一時間當然要睇吓雷神騎咩馬，事關佢今季跑咗五次賽事都未試過食白果，其中近兩次田戰更分別起孖及中三元，睇住佢啲馬點都係着數啲。
今戰雷神騎足十一場，座騎分別為「知道勝」、「勁豐裕」、「龍騰馬躍」、「加州再豫」、「心思熟慮」、「肥仔」、「彩福」、「金滿載」、「慣勝聆聽」、「壯思飛」及「活力寶」，其中「加州再豫」、「心思熟慮」、「慣勝聆聽」及「壯思飛」以往配雷神從未失三甲，值得優先留意。