入行17年嘅余文樂，緋聞多不勝數，然而得到樂仔承認嘅戀事，就唔係太多。咁樂仔曾經戀過邊個呢？

樂仔入行時，就喺佢嘅處男作，港台劇集《青春@Y2K》嘅女主角唐詩詠有過一段puppy love。

之後樂仔就曾與比佢年長7年嘅盧巧音拍拖，佢哋分手後，盧巧音大唱《好心分手》，有指呢首歌係Candy憑歌寄意，而樂仔亦喺新歌《還你門匙》，亦以情侶分手為題材，而歌詞中的「誰願意和你鬥，難聽的別開口」，有指更似是樂仔對盧巧音多番揶揄嘅還擊。

第三段情就係同黃依汶發展咗一段5年嘅地下情，有指佢哋嘅分手原因係男方太花心，但係分手後有指樂仔對女方念念不忘。其後樂仔同吳雨霏合作《人非草木》MV擦出愛火花，其後佢哋更高調拍拖，但有指樂仔對黃依汶仍念念不忘，不時仲有聯絡，關係曖昧，13年，Kary發聲明跟樂仔「因了解而分開」，正式宣布分手，2015年Kary與青梅竹馬Brian旅行結婚。

去年邂逅王棠云，今日樂仔終於大個仔，同王棠云結婚。

更多娛聞，喺晒《娛果》
http://fb.com/appledailyent