體壇拾趣：
單節轟43分馬刺掃「雷」
蘋果日報 2016/05/02 00:00
上周六NBA季後賽西岸四強Game 1，馬刺憑阿域治（LaMarcus Aldridge）同尼納特（Kawhi Leonard）打出好表現，加上全隊命中率高達60%下，主場124:92擊敗雷霆，喺七場四勝制中領先場數1:0。
馬刺喺今場首節狂轟43分，追平05年西岸決賽對太陽Game 1第四節寫下嘅單節最高分隊史；佢哋起手22次命中18球，包括三球三分，首節命中率高達81.8%！馬刺成場波從未處於下風，正選上陣29分鐘、23投18中攞到全場最高38分嘅阿域治無疑係頭號功臣，佢賽後話：「我今場打得好有信心，而且手風真係好順。」上陣21分鐘嘅尼納特亦貢獻25分。
馬刺喺今場首節狂轟43分，追平05年西岸決賽對太陽Game 1第四節寫下嘅單節最高分隊史；佢哋起手22次命中18球，包括三球三分，首節命中率高達81.8%！馬刺成場波從未處於下風，正選上陣29分鐘、23投18中攞到全場最高38分嘅阿域治無疑係頭號功臣，佢賽後話：「我今場打得好有信心，而且手風真係好順。」上陣21分鐘嘅尼納特亦貢獻25分。
鄧肯156W僅次費沙
馬刺贏波，今場攻入八分嘅鄧肯（Tim Ducan）亦贏得個人職業生涯第156場季後賽，超越前隊友荷利（Robert Horry）成為NBA史上第二多季後賽勝仗嘅球員，只落後費沙（Derek Fisher）五場。其實馬刺今場防守同樣出色，搞到杜蘭特（Kevin Durant）同韋斯卜克（Russell Westbrook）加埋34次起手入得11球，難怪「二少」賽後都話馬刺嘅協防真係好出色。