當年今日
關於我們

隔牆有耳:譚香文 政界無主孤魂 - 李八方

蘋果日報 2011/07/07 00:00


「新民主女神」譚香文脫離公民黨後徘徊政壇,近一年多時間官司纏身,八方以為佢淡出政治圈子,原來佢仍然好活躍,今年7.1遊行着上「人民力量」T恤籌款,好多人以為佢轉投黃毓民旗下。
八方噚日搵譚香文問佢點解入黨都唔通知聲,點知佢話完全係誤會,當日佢只係隨意穿上「人民力量」件T恤去遊行,絕對唔係入咗黨,亦唔係幫「人民力量」籌款,而係做「前綫」義工。
譚香文選舉官司未了結,本年是否再戰區議會選舉,佢話暫時無可奉告,未來會唔會加入政黨,「呢一刻冇打算,將來嘅事,邊個知道?」