有分析指，電能實業(006)選擇在此時減持港燈(2638)，部份原因是為了政府有意削減港燈及中電(002)兩電准許回報做好準備。林本利相信，李嘉誠減持一定有考慮這一點。他說︰「喺呢個咁敏感嘅時刻，若果話俾你聽無考慮(回報有可能被降)，你都唔信啦……但又係同一個問題，點解卡塔爾投資局、會買一個回報有可能會遭下調嘅投資，呢一點我都仍然唔係太明白。」

林本利又表示，就算兩電日後回報被下調，長和(001)集團於港燈的投資早已「賺突」，日後會否再賣已不是什麼大問題。他說：「李嘉誠當年都係用大約30億(1985年)買返嚟，之後派左咁多次息，舊年分拆套現了約600億元，今次又套現約90億元，乜都賺曬啦……再者，就算真係回報被降到8%，甚至乎是6%，依家電能只係持有大約30%港燈，影響好輕微。」

政府上月公佈電力市場未來發展公眾諮詢，當中研究指兩電准許回報可由現時9.99%削到6至8%。