當年今日
關於我們

舒淇星爺互錫谷新片

蘋果日報 2013/02/06 06:00

周星馳舒淇

周星馳執導嘅新片《西遊.降魔篇》今晚喺又一城舉行首映,噚日星爺同舒淇喺大陸宣傳時已經錫手又錫面,星爺笑言:「冇辦法啦,我一直都咁好,舒小姐就睇心情,佢心情靚我都得益。」

問舒淇星爺係咪男友人選?舒淇好識做話:「梗係,幽默風趣又有才華。」星爺扮緊張追問:「仲有呢?」舒淇再答:「得意囉,佢係好多人偶像,我高攀唔起。」

近日傳出舒淇同馮德倫喺美國秘婚,佢黑晒面話:「係呀,生埋兩個仔喺美國,得閒去睇吓。」問係咪姓馮?佢求其話:「乜都有。」

台上進行儀式時,司儀黎芷珊要求錫錫,舒淇即主動啜咗星爺面珠一啖,然後扮抹嘴,星爺亦冧爆回吻舒淇,兩個人交足晒戲。


想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/