前亞視高層盛品儒今晚與未婚妻蔡一鳳在銅鑼灣出席攝影展，對於堂兄王征被爆與梁景煌有不尋常關係，盛品儒話有睇報道﹕「我睇，但在位時唔知道。亞洲先生、亞洲小姐如果同客戶有飯局，來住深圳都好正常，但今日報道就唔清楚，我無理。」

會唔會打畀王征求證？佢話﹕「佢係我堂阿哥，一年都有兩、三次家庭聚會，以前喺亞視接觸較多，但都係講公事。」

咁之前有冇見過梁景煌？盛品儒話﹕「見過一次。」至於「不尋常關係」呢單嘢，佢就口窒窒回應﹕「er....都驚訝，佢做生意係一個叻人。」

咁……究竟堂兄係咪鍾意男性？盛品儒話﹕「兩兄弟冇講呢啲嘢。」對於有報道話梁景煌陪王征係計騷錢？盛品儒都係呢句﹕「唔清楚，我都離開咗一年半，公司嘢唔係好方便講。」

同場嘅汪明荃表示唔希望亞視結業，佢話﹕「有叫佢(盛品儒)快啲幫手呀。」