當年今日
關於我們

【翠鳴臺收樓】收入勁減九成對前景悲觀 業主:抽中咗無辦法都要買

蘋果日報 2020/07/11 00:06

驗樓賴達明資助房屋翠鳴臺

武漢肺炎和「港版國安法」雙重夾擊下,不少港人打消置業念頭。從事零售的翠鳴臺單位業主梁先生說,因疫情令收入大減九成,但沒想過「撻定」,因一早已預備好首期,「呢段時間係辛苦啲,抽中咗無辦法都要買」。惟他說,對香港前景感悲觀,「政府成日話希望在明天,我都唔知個希望喺邊」。

是次驗樓單位附有兩個露台,但位於客房內的迷你露台,一個人入內無法展開雙臂,兩人同時進入更是難以轉身。迷你露台屬推門設計,預料無法擺放雜物,業主梁先生形容,該個露台「多餘」,「未諗到做咩,可能晾吓衫」。他說,客房打算給母親居住,日後與女友結婚則住在主人房。
居於附近公屋的梁先生稱,過去曾多次以白表單身申請者抽居屋,惟不成功,至近年有結婚打算,盼可換間較大的房屋,遂以綠表二人家庭,與母親申請房協資助房屋,「自己算幸運可以抽到」。他透露,翠鳴臺每月管理費達1,600多元,但因屋苑屬單棟項目,故管理費較貴也是預期之內。

梁先生指,與市場比較,市價七折的資助房屋已相對較可負擔,「喺香港置業,唔會有人覺得容易」。從事零售業的他說,受疫情影響,收入大減至以前的一成,單位又較預期早收樓,「呢段時間係辛苦啲,全香港人都辛苦,但抽中咗無辦法都要買。無諗過撻定,因為自己本身已預咗筆錢。不過收入少咗,變相按揭就麻煩啲」。

面對「港版國安法」生效,他預計自己從事的零售業會受打擊,「仲要睇美國點制裁香港」,有機會影響生計和供樓。至於香港前景,他說:「講真,呢屆政府都無嘢幫過我……整體梗係悲觀啦,政府廣告成日話希望在明天,我都唔知個希望喺邊」。

記者 李詠希

-----------------------------
7.11、7.12民主派初選
全港逾250個票站 7月11日 12pm至9pm開放
票站地址按此一覽地圖版
初選名單一Click即睇
-----------------------------
足本重溫《蘋果》等4間網媒合辦的初選論壇
港島九東九西新東新西超區
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多